Daftar Ende Daftar Logu
Kritik dan Saran Paling dilihat Tentang Ende Online
Bible Online

Buku Ende Online

Buku Ende No. 215 Buku Logu No. 88
Na Martua Ninna Jesus
1.
Na martua ninna Jesus Jesus Na pogos tondina i
Ai langkana do na tulus Tu banuaginjang i
Sai na sonang roha ni Na manggolom hata i
2.
Nang na marsak pe tarbahen Sonang do rohana i
Ai arsakna i mambahen Ro na mangapuli i
Sai na sonang roha ni Angka naung tarapul i.
3.
Na martua do dohonon Na lambok marroha i
Ai nasida do manean Nasa na di tano i
Sai na sonang roha ni Na mangalo rimas I

4.
Molo mauas tondimuna Mida hatigoran i
Na martua do hamuna Ai tutu ma jumpang i
Sai na sonang roha ni Na marhatigoran i
5.
Angka na marasi roha Ninna Jesus Tuhan i
Angka i do siasian Balos ni asina i
Sai na sonang roha ni Siasii dongan i
6.
Angka na lidang marroha Na so saor tu dosa i
I do na tarbaen marnida Ama na badia i
Sai na sonang roha ni Na pasiding dosa i
7.
Angka na manuan dame i dietong Debata
Songon anak ai nasida Sada dohot Debata
Sai na sonang roha ni Na mambahen dame i
8.
Dohot angka na binuru Ala hatigoran i
Sipujion ai marguru Tu porsukna upa nii
Sogot di na sonang i Mullop ma tuana i.

Dilihat 550 kali | 39 Orang Menyukai | | |

sibirong.com 2015