Daftar Ende Daftar Logu
Kritik dan Saran Paling dilihat Tentang Ende Online
Bible Online

Buku Ende Online

Buku Ende No. 327 Buku Logu No. 103
Marujung Do Nuaeng Saminggu
1.
Marujung do nuaeng saminggu Alai basaM ndang songon i
Ai songon na niusehonMu PasupasuM tu rohangki
Laos songon i tu jolo on Naeng tongosonMu i tongtong
2.
Hupuji Ho, o Debatangku Mauliate au di Ho
Dibaen sude na nilehonMu Di au huhut huboto do
Las do rohaM di endengki Marhitehite Jesus i
3.
Tutu adong do na hutaon Saminggu on ditongos Ho
Ditumpak Ho do au manaon Ipe godang na denggan do
Dihorhon na hutaon i Antong hupuji goarMi
4.
Nuaeng adong pangidoanku Na ringkot situtu di au
Sai unang ingot be dosangku Asi rohaM urasi au
Marhitehite mudar ni Naung manggarari utangki
5.
Ndang ubaonMu na nidokMu Sai hot ma bagabagaMi
Pardosa do pangoluonMu Ianggo marsak roha ni
Huhut diboan dosa i Tu Jesus Kristus AnakMi
6.
I ma tiniop ni rohangku Di haporseaonna i
Umbahen na las nuaeng rohangku Lao paujungkon minggu i
Ai nunga sonang rohangki Dibaen pangkirimonna i
7.
Alai naung ganda do umurhu Dibahen i jumonok do
Hatiha ni panadingkonhu Di tano on tumopot Ho
Hobas hian baen tondingki Tumopot hasonangan i
8.
Ia tarsunggul au manogot Di Minggu na imbaru i
Marlasniroha ma hutopot BagasMu parmingguan i
Ai jaloonku ma disi HataM na sun badia i
9.
Antong nuaeng hian hupuji Na naeng lehononMi dope
Tarida do panghaholongi Ni rohaMi di au muse
Ditogu Ho tu banuaM Au sian tahi ni rohaM
Dilihat 346 kali | 27 Orang Menyukai | | |

sibirong.com 2015