Daftar Ende Daftar Logu
Kritik dan Saran Paling dilihat Tentang Ende Online
Options

Buku Ende HKBP Online

Buku Ende No. 340 Buku Logu No. 65

Tibu Ma Ro Tingkingku

  1. Tibu ma ro tingkingku lao bongot tu bagashu di hasonangan i
    Hamuna natorashu ndang jadi andunganmu au na manopot surgo i
  2. Jempek tutu ngolungku dumenggan do jambarhu na sian Debata
    Ndang songgop be sahithu ndang tubu be arsakku las rohangki sambing nama
  3. Ndang leleng dipasombu Tuhanta au mangolu Di partangisan on
    Ianggo mate iba Di haposoonniba Tau las ni roha i tongtong
  4. Ndang au be hahuaon Ni nasa hajahaton Na di portibi on
    Tung ise mangarsahi Sude na sonang muli Tu hasonangan na tongtong ?
  5. Las rohamu najolo Marnida pangalaho Ni anakmuna on
    Nuaeng tutu ma marsak Hamu dibaen dakdanak Na bongot tu tanoman on.
  6. Padirgak ulumuna Tumatap Amamuna Sai unduk ma hamu
    Di nasa pambaenanna Na sai tongtong marhata Asa tarapul rohamu.
  7. Diboto Debatanta Na tau hangoluanta Sitongosonna i.
    Ndang dung adong na masa Na so pinatupana Tongtong denggan do i sude
  8. Ai molo sogot jumpang hamu au di na sonang marulos na bontar
    Marsanggul hangoluan marmare hamonangan disi ma i muse patar
  9. Disi ma pujionmu rap dohot au, anakmu, Tuhanta Jesus i
    Ipe sai hadengganhon nuaeng sude pambaenan ni Debata Amanta i

Dilihat 41 kali | 7 Orang Menyukai | | Share via facebook |

sibirong.com 2015