Daftar Ende Daftar Logu
Kritik dan Saran Paling dilihat Tentang Ende Online
Options

Buku Ende HKBP Online

Buku Ende No. 361 Buku Logu No. 157

Na Denggan Situtu Do

  1. Na denggan situtu do mamuji Debata
    Jahowa na tumimbo Na sai tongtong basa
    Denggan do paboahon Manogot asiMi
    Bodari mangendehon BurjuM nang sintongMi
  2. Mardongan sipiltihon na denggan situtu
    Naeng ma tongtong pujion ni nasa na burju
    Ho Tuhan Debatangku ai las ni rohangki
    Do na tongtong binaenMu Di pambahenanMi
  3. Ai jadijadianMu mansai balga do i
    Nang angka pingkiranMu mansai bagas do i
    Ndang dapot i tandaon ni baoa na bodo
    Ai holan sibotoon ni na porsea do
  4. Martumbur pe parjahat di atas tano on
    Sobokhon duhutduhut ndang mian i tongtong
    Tompu do disiaphon Ho saluhutna i
    Alai Ho do manongtong Ho na sun timbul i
  5. MusuM, o Debatangku sibaen na jahat i
    I ma siaphononMu marserak ma sude
    Alai patimboonMu ma au naposoM on
    Huhut pargogoanMu mamuji Ho tongtong
  6. Pamereng ni matangku Sombu ma baenonmi
    Marnida hadadabu Ni angka alongki
    Au naeng agohononNa Hape na sundat do
    Tinahi ni rohana O Tuhan dibaen Ho.
  7. Martumbur do partigor Tudoshon bagot i
    Martunas do nasida Songon hau ares i
    Nasida na sinuan Di bagasjoro i
    Do na marbungabunga Di alamanna i
  8. Sai tubu pinomparna Di na ubanon i
    Margogo do nasida Di na martua i
    Girgir dibaritahon Na tigor Tuhan i
    Na so marhageduhon Pambaenna sasude


Dilihat 161 kali | 6 Orang Menyukai | | Share via facebook |

sibirong.com 2015