1.

Nunga ro au o Tuhanku tu hau pinorsilangMi
Hupelehon ma diringku upa halojaonMi

Hatuaon i, Las ni rohangki
Ai hibul do hupelehon nasa diringki

2.

Ndang adong naeng tioponku, saluhut tu tanganMi
Maradian do tondingku di bagasan lomoMi

Hatuaon i, Las ni rohangki
Ai hibul do hupelehon nasa diringki

3.

Sai sahaphon tu tondingku Tondi Parbadia i
JoroMi ma baen rohangku, sai ingani diringki

Hatuaon i, Las ni rohangki
Ai hibul do hupelehon nasa diringki

4.

Sai gok Tondi ma rohangku, mate roha diri i
Angka arta sian tano, ndang tusi be rohangki

Hatuaon i, Las ni rohangki
Ai hibul do hupelehon nasa diringki

5.

Nang gale dope rohangku, marsahala gogoMi
HolongMi mangiringiring ganup langkalangkangki

Hatuaon i, Las ni rohangki
Ai hibul do hupelehon nasa diringki

6.

Tung bagas do hahoholongan ni rohaM, o Tuhanki
Holan Ho huhaholongi, Ho nampuna diringki

Hatuaon i, Las ni rohangki
Ai hibul do hupelehon nasa diringki