Daftar Ende Daftar Logu Daftar Kategori
Kritik dan Saran Tentang Ende Online
Hari ini Seminggu Sebulan Sepanjang masa Paling disuka
Bibel Online

Buku Ende Online

Kategori : Manogot Dohot Bodarina
Buku Ende No. 321 Buku Logu No. 174

Marujung Do Sadari On

1.
Marujung do sadari on Dibaen panondang bolon Na maradian tano on
I pe sai taendehon Ma Debatanta i
Parasi roha i
Tasunggul ma rohanta be Mamuji Jesus ma sude
2.
Sai marsinondang bintang i Nang bulan na di ginjang Na patiurhon langit i
Alai andul tumorang Do marsinondang di Bagasan rohangki Jesusku hasangaponki Artangku pangondinganki
3.
Sai modom do bornginna i Nang jolma nang pinahan Alai dungo di ginjang i
Na so marhalojaan, Ndang olo nok tutu O Jesus mataMu
I pe sai ingkon dungo do Rohangku mandongani Ho
4.
Unang ma lea rohaMi Diendengkon o Tuhan
Ndang olo sonang rohangki So jolo i huboan Ai i do na adong Di au na pogos on
Ipe sai jalo nama i O Jesus alealengki
5.
Sai Ho ma mandongani au Saleleng nok matangku
Pangondinganku tatap au Ramoti ma tondingku
Ndang na mabiar au Nang pola mate au
Ai na lao modom dohot Ho Marlasni roha hehe do
6.
Pasurut ma sude hamu Pardibanuatoru
Ndang be au guru di hamu Ai Jesus do Rajangku
Surusuruan i Manjaga jabungki
Tung hahuaonmuna au Nasida do manjaga au
7.
Antong, sai sonang modom au O Jesus di tanganMu
Peak di asiMi do au BasaM haporusanku
Ho pangondinganki, Huingot hataMi
Dipasingothon TondiMi Ma i tongtong tu rohangki
8.
Antong, ale pamatangki Sai sonang ma ho modom
Pitpit hubahen matangki i do hinalomohon Ni Tuhan Debata
Antong huingot ma Ho Jesus Siparmahan au Saborngin on ramoti au
Dilihat 1806 kali | 77 Orang Menyukai | | |

sibirong.com 2015