1.

O dangol ni hapariron i
Na so bolas hasuhatan i
Doshon dolok simanabun i
Suman tu tao silumalan i

2.

I ma dangol ni na parir i
So adong na boi pamalum i
Na mabakbak do iluna i
Langan bohi ala dosa i

3.

O dangol ni hapariron i
So adong na boi pamalum i
Ndang tuk daonan ni manang ise i
Nang mate, ndang olo sohot i

4.

Dibahen parir ni sisongon i
Dolehon Jesus mudarNa i
Marhite mudar ni Kristus i
Na malum luhut na ngotngot i