1.

Di borngin na sasada i tarbege
ende ni parangan Pardisurgo i pasangap Tuhan i
Naung tubu do di borngin i
Tuhanta Jesus i
I do binaritahon ni surusuruan i

2.

Suruan i marende do di borngin na holom
Mamaritahon dame i tu liat tano on
Habong na di paherbang do tu hita jolma on
Luhut nasida rap mandok : Dame di tano on

3.

Sai dipatunduk dosa i luhut tinompaMi
Sai naeng disoadahon do barita dame i
Antong hamu pardosa i pauba rohami
Tangihon niendehon ni surusuruan i

4.

Hamu angka na loja i jala na sorat i
Binaen ni angka dosami dapothon Tuhan i
Tinggangkon hinolsohonmi tu Sipalua i
Auhon ni endehon ni surusuruan i

5.

Ai nunga gok be tingki ni na pinarbaga i
Ai nunga ro Mesias i sitobus jolma i
Hombar tu pinaboa ni surusuruan i
Tasomba Sipalua i raphon suruan i