1.

Martua na porsea na hot di Tuhan i
Bolong holso ni roha dao nang biar i
Holang sian na jahat donok do Tuhan i
Di angka na porsea na tinobusNa i

2.

Maporus do dakdanak tu natorasna i
Di tingki parmaraan sihabiaran i
Maporus tu Tuhanta do na porsea i
HataNa i sinjata di paraloan i

3.

Dung sahat tu labuan angka parsolu i
Sonang do dihilala dao galumbang i
Sumonang na porsea di huta Sion i
Labuan salelengna do hasonangan i