1.

Nunga loja au o Tuhan
Di siulubalang ari
Naeng tumibu au pajumpang
Rap dohot Ho di Surgo i
Nunga bot mata ni ari
Lam jonok nang ajalhi
Nunga loja au o Tuhan
Rade ma baen ingananki

2.

Nang pe naung hudai hubolus
Hamoraon, hagabeon
Songon ombun na mamolus
Sude do tinggal ambolong
Aha ma tarboan ahu
Lobi sian uloshi
Nunga loja au o Tuhan
Rade ma baen ingananki

3.

Lam rambon simalolongku
Gok nang uban di ulungku
Raung nang holiholingku
Gale sude pamatangki
Ndang be i sai huparsinta
Leleng ariaringki
Nunga loja au o Tuhan
Rade ma baen ingananki